琴日搭lift時侯，聽到兩個師奶喺到傾計
師奶A:「你聽唔聽到每晚出面都有人大嗌呀?」
我聽到後，我有啲興奮，因為佢個語氣好似講緊鬼故咁，可能係拎到靈感嘅來源。
師奶B:「吓? 幾時呀? 嗌啲咩呀?」
師奶A:「每晚都有人嗌喎！你聽唔到咩? 光復香港！時代革命呀！」
師奶B:「係咩！我聽唔到呀喎！」
師奶A:「你今晚聽下喇！仲有嗌五大訴求!缺一不可呀!」
師奶B:「幾時呀！唉呀! 可能我開咗冷氣關咗窗聽唔到呀!」
師奶A:「今晚聽下喇！好多人嗌呀！」
我之前一直忽視呢個「行動」(可能我好少夜晚喺屋企，少見成效)
但琴日搭Lift聽到兩個師奶對話後，原來真係有效！
最特別係....當你聽到身邊師奶都叫呢幾句口號，個感覺真係好特別。
最起碼佢地可以講得出我地口號，起碼佢地腦海會諗一諗背後嘅意思！
最重要嘅係，佢地竟然唔反感，反而覺得好得意！仲會互相之間討論呀！
而且，我地手足之間聽到有人回應，都係為我地打咗一支強心針。
呢個「行動」一定要Keep住！唔好怕羞！無人叫就由你去叫！
只要有人叫！實有人回應返你！
每晚十點
光復香港
時代革命
五大訴求
缺一不可
Search